صدر ایران ڈاکٹر سید ابراہیم رئیسی کو جامعہ کراچی کی ڈاکٹریٹ کی اعزازی ڈگری
کراچی یونیورسٹی کے وائس چانسلر نے منگل 23 اپریل کی شام صدر ایران ڈاکٹر سید ابراہیم رئیسی کو اعزازی ڈاکٹریٹ کی ڈگری تفویض کی۔
سحرنیوز/ پاکستان: صدر ایران ڈاکٹر سید ابراہیم رئیسی اپنے دورہ پاکستان کے دوسرے دن منگل کی شام لاہور سے کراچی پہنچے ۔
کراچی میں صدر ایران نے پہلے بانی پاکستان کے مزار پر حاضری دی اور اس کے بعد جامعہ کراچی میں ایک پر وقار تقریب میں انہیں اعزازی ڈاکٹریٹ کی ڈگری تفویض کی گئی ۔
اس تقریب میں جامعہ کراچی کے وائس چانسلر پروفیسر خالد عراقی نے گورنر سندھ محمد کامران خان ٹسوری ، وزیر اعلی سندھ سید مراد علی شاہ ، صوبائی اسمبلی کے بعض اراکین، صوبائی حکام ، جامعہ کراچی کی اکیڈمک کونسل کے اراکین نیز دیگر اہم علمی اور سیاسی شخصیات کی موجود گی میں صدر ایران ڈاکٹر سید ابراہیم رئيسی کو اعزازی ڈاکٹریٹ کی ڈگری تفویض کی ۔
کراچی یونیورسٹی نے صدر ایران ڈاکٹر سید ابراہیم رئیسی کو اعزازی ڈاکٹریٹ کی یہ ڈگری فقہ اسلامی اور قانون کے شعبے میں موصوف کی تعلیمات اور علمی مدارج نیز عدلیہ میں گرانبہا خدمات پر تفویض کی ہے۔
جامعہ کراچی پاکستان کی سب سے قدیمی اور معتبرترین یونیورسٹی ہے جس میں بڑی تعداد میں ایرانی طلبا و طالبات بھی زیر تعلیم ہیں۔
