ایرانی صدر اور سعودی ولی عہد کی ٹیلی فونی گفتگو
Nov ۱۱, ۲۰۲۴ ۱۲:۰۶ Asia/Tehran
ایرانی صدر پزشکیان اور سعودی ولی عہد نے ٹیلفونک گفتگو کے دوران غزہ اور لبنان میں صہیونی حکومت کی جارحیت کے بارے میں تبادلہ خیال کیا۔
سحرنیوز/ایران: مہر خبررساں ایجنسی کی رپورٹ کے مطابق، ایرانی صدر ڈاکٹر مسعود پزشکیان نے سعودی عرب کے ولی عہد شہزادہ محمد بن سلمان سے ٹیلی فون پر گفتگو کی اور فلسطین و لبنان سمیت مشرق وسطی کی تازہ ترین صورتحال پر تبادلہ خیال کیا۔
گفتگو کے دوران صدر پزشکیان نے فلسطین اور لبنان کی صورتحال کے بارے میں او آئی سی کا اجلاس طلب کرنے پر سعودی عرب کی قدردانی کی۔ انہوں نے کہا کہ او آئی سی کانفرنس غزہ اور لبنان میں جاری صہیونی جارحیت کو روکنے میں ایک اہم کردار ادا کرے گی۔
