SAHAR

اسلامی جمہوریہ ایران کے صدر نے کہا ہے کہ زور و زبردستی اور دھمکی کی زبان ، ہمارے لئے کسی بھی صورت قابل قبول نہيں ہے۔

سحرنیوز/ایران: صدر مسعود پزشکیان نے اپنے ایک بیان میں مذاکرات کے لئے امریکہ کے قابل اعتماد ہونے کے ایک سوال پر کہا کہ اگر عزت و باہمی احترام و مفادات کی بنیاد پر مذاکرات ہوں تو ہم بیٹھ کر گفتگو کریں گے لیکن زور و زبردستی اور دھمکی کی زبان  ہمارے لئے کسی بھی صورت قابل قبول نہيں ہے۔ صدر ایران نے مزید کہا کہ ہمیں پوری دنیا سے رابطے میں رہنا ہے ، ہم کسی سے ناراضگی یا جھگڑا نہیں کرنا چاہتے لیکن اس کا یہ مطلب نہيں ہے کہ ہم ذلت کے ساتھ کسی کے سامنے سر جھکائيں  گے۔ ہم عزت کے ساتھ مرنا پسند کریں گے لیکن ذلت کے ساتھ سمجھوتے کو قبول نہيں کريں گے۔