SAHAR

اسلامی جمہوریہ ایران کے وزیر خارجہ سید عباس عراقچی نے تاکید کے ساتھ کہا ہے کہ کوئي بھی ایران کے خلاف جارحیت کی جرئت نہيں کر سکتا کیونکہ اس کے نتائج سے باخبر ہے۔

سحرنیوز/ایران: ارنا کی رپورٹ کے مطابق ایرانی وزيرخارجہ سید عباس عراقچی نے پیر کو کہا کہ ہمیں یقین ہے کہ کوئی جنگ ہونے والی نہيں ہے کیونکہ ہم اس کے مقابلے کے لئے پوری طرح تیار ہيں۔ سید عباس عراقچی نے مزید کہا کہ آمادگی سے ہمارے اندر طاقت و صلاحیت پیدا ہوتی ہے تاکہ کوئي ہماری سرزمین پر حملہ کرنے کی ہمت نہ کرے۔ انھوں نے کہا کہ اگر آمادگي موجود نہ ہو تو جنگ مسلط کردی جائے گی اور اس آمادگي کا تعلق مسلح افواج سے بھی ہے اور ہماری امدادی فورسز سے بھی ۔