ایران کی مسلح افواج ہر خطرے کا مقابلہ کرنے کی طاقت رکھتی ہیں۔ جنرل کیومرث حیدری
ایران کی برّی فوج کے سربراہ جنرل کیومرث حیدری نے کہا ہے کہ ہماری مسلح افواج خود کفالت کی اس سطح پر پہنچ گئی ہیں کہ وہ ہر قسم کے خطرات کا بھرپور مقابلہ کرسکتی ہیں۔
سحرنیوز/ایران: نیشنل آرمی ڈے کے موقع پر تہران کی مرکزی نماز جمعہ کے اجتماع سے خطاب کرتے ہوئے بریگيڈیئر جنرل کیومرث حیدری کا کہنا تھا کہ آج ہم اسٹریٹیجک، آپریشنل اور ٹیکٹیکل ہتھیاروں کی تیاری میں خود کفیل ہیں۔ بریگیڈیئر جنرل کیومرث حیدری نے یہ بات زور دے کر کہی کہ آج، ہماری مسلح افواج اور خاص طور سے برّی فوج خود کفالت کی اس سطح پر پہنچ چکی ہیں جو کسی بھی مرحلے اور پیمانے پر ہر طرح خطرے کا ڈٹ کر مقابلہ کرسکتی ہے۔ انہوں نے کہا کہ آج برّی فوج ریموٹ کنٹرول، پن پوائنٹ،اسمارٹ اور نیٹ ورک ایبل ہتھیاروں اور آلات سے لیس ہے۔
برّی فوج کے سربراہ نے کہا کہ ہم نے یہ تمام صلاحیتیں اور طاقت اندرون ملک پائی جانے والی توانائیوں اور گنجائشوں کو استمعال کرتے ہوئے حاصل کی ہے اور دوسروں سے کوئی مدد نہیں لی گئی۔
