ایران امریکا کے بالواسطہ مذاکرات میں تیزی آ رہی ہے؛ عمان کے وزیرخارجہ
عمان کے وزیرخارجہ نے ایران امریکا کے بالواسطہ مذاکرات کے دوسرے دور کے بعد لکھا ہے کہ وہ آج کے مذاکرات میں کافی تعمیری رویئے کے لئے، ایران کے وزیر خارجہ اور امریکی صدر کے نمائندے کے شکرگزار ہیں۔
سحرنیوز/ایران: ارنا کے مطابق عمان کے وزیرخارجہ روم میں بالواسطہ ایران امریکا مذاکرات کے دوسرے دور کے بعد اپنے سماجی رابطے ایکس پیج پر لکھا ہے کہ ہم ایران کے وزیر خارجہ ڈاکٹر سید عباس عراقچی اور امریکی صدر کے نمائندے مسٹر ویٹکاف کا، آج کے مذاکرات میں ان دونوں کے بہت تعمیری رویئے پرشکریہ ادا کرنا چاہتے ہیں۔
عمان کے وزیر خارجہ نے مذاکرات کے دوسرے دور کے اختتام پر اپنے سماجی رابطے کے ایکس پیج پر اس حوالے سے اپنی پوسٹ میں مزید لکھا ہے کہ مذاکرات میں تیزی آرہی ہے اور فی الحال بعید بھی ممکن ہے۔
ارنا کے مطابق اسلامی جمہوریہ ایران کے وزیر سید عباس عراقچی امریکا کے ساتھ بالواسطہ مذکرات کے دوسرے دور میں شرکت کے لئے جمعہ 18 اپریل کی رات روم پہںچے تھے اور مذاکرات کا دوسرا دور آج سنیچر 19 اپریل کو انجام پایا۔
واضح رہے کہ ایران امریکا بالواسطہ مذاکرات کا پہلا دور سنیچر 12 اپریل کو عمان کے دارالحکومت مسقط میں انجام پایا تھا۔
