ایران کی ایک اور بڑی کامیابی، جلد ہو سکتی ہے امریکی ماڈل سے بہتر ایک نئے جہاز کی نقاب کشائی
ایرانی بحریہ کے کمانڈر نے کہا کہ ملک امریکی ماڈل سے بہتر ایک نئے جہاز کی نقاب کشائی کر سکتا ہے۔
سحرنیوز/ایران: مہر نیوز ایجنسی کی رپورٹ کے مطابق، ایرانی بحریہ کے کمانڈر ایڈمرل تنگیسری نے ایک ٹی وی پروگرام کے دوران ملک کی دفاعی صلاحیتوں اور بحریہ کی فوجی کامیابیوں سے آگاہ کیا۔ انہوں نے کہا کہ آرمی نے وزارت دفاع کے تعاون مختلف قسم کے میزائل، ڈرونز اور آبدوزیں تیار کی ہیں جو جدید جنگی چیلنجز سے نمٹ سکتی ہیں۔
ایڈمرل تنگسیری نے شہید باقری ڈرون کیریئر کی تیاری کا حوالہ دیتے ہوئے کہا کہ یہ ایک کثیر المقاصد جہاز ہے جو بحری اڈے کی سہولت رکھا ہے، نیز یہ 14میزائل لانچرز پر مشتمل دو میزائل گروپس کو لے جانے کی صلاحیت رکھتا ہے۔ انہوں نے کہا کہ ہم نے ایک ایسا جہاز بنایا ہے جو کارکردگی میں اسی طرح کے امریکی ماڈلز سے بہتر ہے، تاہم ضرورت پڑنے پر ہم اس کی نقاب کشائی کر سکتے ہیں۔
ایڈمرل تنگسیری نے خلیج فارس کے پانیوں میں ایران امریکہ تصادم کے بارے میں پوچھے گئے سوال کے جواب میں کہا کہ آج امریکہ ہمارے آئل ٹینکرز پر حملہ نہیں کر سکتا اور اگر ایسا ہوا تو ہم اس کا بھرپور جواب دیں گے۔ انہوں نے واضح کیا کہ امریکی خلیج فارس میں ہم پر حملہ نہیں کر سکتے کیونکہ ہم ان کا مقابلہ کر سکتے ہیں۔"
