ایران کے چیف جسٹس غلام حسین محسنی اژہ ای جو شنگھائی تعاون تنظیم کے عدالتی سربراہوں کے اجلاس کے سلسلے میں ہانگژو گئے ہوئے تھے، اجلاس ختم ہونے کے بعد تہران کے لیے روانہ ہوچکے ہیں۔
سحرنیوز/ایران: محسنی اژہ ای نے اس اجلاس کے موقع پر چین، تاجیکستان، قزاقستان، ہندوستان، ازبکستان، ترکیہ اور پاکستان کی عدالت عالیہ کے سربراہوں سے بھی ملاقاتیں اور گفتگو کی۔ انہوں نے ان ممالک کے ساتھ قانونی اور عدالتی امور میں قریبی تعلقات اور تعاون پر زور دیا۔ قابل ذکر ہے کہ شنگھائی تعاون تنظیم کے رکن ممالک کی کل آبادی دنیا کی مجموعی آبادی کے 40 فیصد حصے پر مشتمل ہے لہذا قانونی اور عدالتی امور میں ان ممالک کی قیادت کے درمیان ہماہنگی دنیا کے حالات پر قابل ذکر اثرات ڈال سکتی ہے۔
