ترجمان دفتر خارجہ اسماعیل بقائی نے فرانسیسی وزیر خارجہ جین نوئل بیرٹ کا یہ دعوی بے بنیاد قرار دیا ہے کہ ایران کا ایٹمی پروگرام جوہری اسلحے کے قریب پہنچ گیا ہے۔
سحرنیوز/ایران: اسلامی جمہوریہ ایران کے دفتر خارجہ کے ترجمان اسماعیل بقائی نے جمعے کو اپنے ایکس پیج پر ایک بیان جاری کرکے فرانسیسی وزیر خارجہ کے دعوے کو بے بنیاد قرار دیا ۔ انھوں نے اپنی اس پوسٹ میں لکھا ہے کہ فرانسیسی وزير داخلہ کا بیان بے بنیاد ہے اور اس کے ساتھ ایران کے خلاف دوبارہ پابندیاں لگانے کی دھمکی سے اس خیال کو تقویت پہنچتی ہے کہ فرانس کا انتقام آمیز موقف تخریبی کردار کی سازش پر مبنی ہے۔
ایران کے دفتر خارجہ کے ترجمان اسماعیل بقائی نے اپنی اس پوسٹ میں لکھا ہے کہ یقینا اس طرز عمل سے یورپ اور دنیا میں فرانس کی پوزیشن اور اعتبار میں اضافہ نہیں ہوگا۔
قابل ذکر ہے کہ فرانس کے وزیر خارجہ جین نوئل بیرٹ نے اپنی ایک حالیہ تقریر میں اسلامی جمہوریہ ایران کے پر امن ایٹمی پروگرام کے بارے میں سیاسی محرکات کے تحت بے بنیاد دعوے کئے ہیں ۔ انھوں نے اپنے بے بنیاد دعووں میں کہا ہے کہ ایران بقول ان کے ایٹمی اسلحے کے پھیلاؤ کے قریب پہنچ گیا ہے۔
