SAHAR

ایرانی وزیر خارجہ سید عباس عراقچی نے برطانیہ سے ایرانی شہریوں کےحقوق کا احترام کئے جانے کا مطالبہ کیا ہے۔

سحرنیوز/ایران: سید عباس عراقچی نے برطانیہ سے مطالبہ کیا ہے کہ وہ ایرانی شہریوں کے حقوق کا احترام کرے اور ان کے لیے منصفانہ عدالتی عمل کو یقینی بنائے۔ سوشل میڈیا پلیٹ فارم ایکس پر اپک بیان میں انہوں نے کہا کہ برطانیہ کی خفیہ ایجنسیوں کی جانب سے کچھ ایرانی شہریوں کی گرفتاری باعث تشویش ہے۔

وزیر خارجہ نے مزید کہا کہ اگر ان افراد کے خلاف معتبر شواہد کے ساتھ جرم ثابت ہوجائے تو ایران تحقیقات کے عمل میں تعاون کے لیے تیار ہے۔ سید عباس عرا‍قچی نے زور دیا کہ برطانیہ کو چاہیے کہ وہ ایرانی شہریوں کے قانونی اور انسانی حقوق کا احترام کرے اور ان کے لیے انصاف کے تقاضوں کے مطابق عدالتی کارروائی فراہم کرے۔