یورینیم کی افزودگی کا حق ایران کی ریڈلائن؛ ایران کے نائب صدر
ایرانی نائب صدر نے امریکہ کے ساتھ بالواسطہ مذاکرات میں یورینیم کی افزودگی کو ملک کی ریڈ لائن قرار دیا۔
سحرنیوز/ایران: ایران کے نائب صدر محمدرضا عارف نے حکومتی اجلاس کے دوران یورینیم افزودگی کو ملک کی ریڈ لائن قرار دیا۔
انہوں نے کہا کہ اسلامی جمہوریہ ایران سائنس اور ٹیکنالوجی کے میدان میں ترقی کی ملکی پالیسی پر گامزن ہے اور ہم ملک کی ضروریات اور صلاحیت کی بنیاد پر پرامن ایٹمی ٹیکنالوجی سے زیادہ سے زیادہ استفادہ کریں گے۔
انہوں نے یہ بھی کہا کہ اسلامی جمہوریہ ایران کی دفاعی ڈاکٹرائن میں ایٹمی ہتھیاروں کی کوئی جگہ نہیں ہے اور مغربی ممالک اور امریکی میڈیا اس مسئلے سے بخوبی واقف ہیں اور اس طرح کے مسائل کو اٹھانا وائٹ ہاؤس حکام کی بوکھلاہٹ اور داخلی انتشار کو ظاہر کرتا ہے۔
نائب صدر نے تاکید کی کہ اسلامی جمہوریہ ایران بالواسطہ مذاکرات میں بیان کردہ ہالیسی پر گامزن ہے اور جوہری افزودگی ہماری ریڈ لائن ہے۔ انہوں نے زور دیا کہ ہم جوہری ہتھیاروں کے خواہاں نہیں ہیں لیکن ملک کی جوہری صلاحیت کو دیگر ٹیکنالوجیز کی طرح ترقی اور پیشرفت کے مقاصد کے لیے ضرور استعمال کریں گے۔
