ایران اور امریکہ کے بالواسطہ مذاکرات، ترجمان دفتر خارجہ کا بیان
ایران کی وزارت خارجہ کے ترجمان نے کہا کہ ایران امریکا مذاکرات کے پانچویں دور کے مذاکرات تعمیری رہے اور عمان کے وزیر خارجہ نے رکاوٹیں دور کرنے کے لئے تجاویز پیش کیں جن کے عناوین کا جائز ہ بھی لیا گیا
سحرنیوز/ایران: ایران کی وزارت خارجہ کے ترجمان اسماعیل بقائی نے ایران امریکا بالواسطہ مذاکرات کے پانچویں دور کے اختتام پر اپنے سماجی رابطے کے ایکس پیج پر لکھا ہے کہ مذاکرات کے اس دور میں ایران کا اصولی موقف ایک بار پھر واضح طور پر بیان کیا گیا۔
اسماعیل بقائی نے اپنی پوسٹ ميں لکھا ہے کہ مذاکرات پیشہ ورانہ اور پر سکون ماحول میں انجام پائے۔
انہوں نے لکھا ہے کہ مذاکرات کے اس دور میں عمان کے وزیر خارجہ نے رکاوٹیں دورکرنے کے حوالے سے تجاویز اور راہیں پیش کیں جن کے عناوین کا جائزہ لیا گیا اور طے پایا کہ ان کا تفصیل سے دارالحکومتوں میں جائزہ لیا جائے۔ اسماعیل بقائی نے بتایا ہے کہ اگلے دور کے مذاکرات کی جگہ اور وقت کا تعین آئندہ دنوں میں اعلان کیا جائے گا۔
