SAHAR

صیہونی علاقوں پر فلسطین کی تحریک مزاحمت کے جوابی حملوں پر غاصب صیہونی حکومت نے غزہ کے مختلف علاقوں کو جارحیت کا نشانہ بناتے ہوئے بمباری کی ہے۔

سحر نیوز/ عالم اسلام: شہاب نیوز ایجنسی کی رپورٹ کے مطابق نابلس پر صیہونی جارحیت کے ردعمل میں فلسطینیوں کی جوابی کارروائی پر صیہونی حکومت نے غزہ کے بعض علاقوں منجملہ الشاطی کیمپ، عیسی البطرا اور البریج کیمپ پر بمباری کی ہے۔

صیہونی جارحیت پر غزہ کے مختلف علاقوں میں صیہونی جنگی طیاروں کے خلاف کارروائی بھی کی گئی اور ان طیاروں پر فائرنگ کی گئی۔ فلسطین کی تحریک مزاحمت کے اینٹی ایرکرافٹ یونٹ نے بھی جوابی اقدام کیا۔
یہ ایسی حالت میں ہے کہ مختلف فلسطینی گروہوں نے بدھ کی رات اپنے بیانات میں تاکید کی ہے کہ غرب اردن کے مختلف علاقوں میں صیہونی جارحیت کی بھڑکنے والی آگ خود صیہونی حکومت کو بھسم کر کے رکھ دے گی۔