اسرائیل تباہی کی جانب گامزن ہے، کبھی بھی ہو سکتی ہے حزب اللہ اور اسرائیل میں جنگ
صیہونی حکومت کے مقبول ترین ذرائع ابلاغ کے اعتراف کے مطابق حزب اللہ لبنان کے ساتھ جنگ ناگزیر ہے جب کہ اسرائیلی فوج سیاسی تنازعات کی وجہ سے بڑی مشکلات میں ہے۔
سحر نیوز/ عالم اسلام: تسنیم نیوز کے مطابق، یسرائیل ہیوم اخبار نے اپنی ایک رپورٹ میں کہا ہے کہ جہاں اسرائیلی فوج سیاسی کشمکش اور اندرونی تنازعات میں پھنسی ہوئی ہے وہیں حزب اللہ مستقبل کی جنگ کے لیے اپنی صلاحیت میں روز بروز اضافہ کر رہی ہے۔
عبرانی زبان کے اس میڈیا کے مطابق سیاسی تنازعات میں اسرائیلی فوج کے داخلے کی وجہ سے اس کا ڈھانچہ کمزور ہو گیا ہے اور اس کے عمل کی آزادی چھن گئی ہےجس سے آنے والی جنگ کے خاتمے کا راستہ غیر یقینی فضا میں ڈوب گیا ہے۔
یسرائیل ہیوم نے حزب اللہ لبنان کے سکریٹری جنرل سید حسن نصر اللہ کا قول نقل کیا ہے اور لکھا ہے کہ یہ ایک عام خیال تھا کہ اسرائیل پر فتح کا کوئی امکان نہیں ہے اور اس کی فوج ناقابل تسخیر اور شکست ہے، اس کو ایک حقیقت سمجھیں، انہوں نے قبول کیا کہ اسے تبدیل کیا جا سکتا ہے لیکن آج اور ابھی جو کہ اسرائیل کی تاریخ کا بدترین دور ہے، اسرائیل تباہی کے راستے پر گامزن ہے۔
مقالہ نگار مزید لکھتے ہیں کہ ان دنوں مساجد میں اپنے خطبات میں مسلمان علماء اسرائیل میں سماجی تقسیم کی اپنی مذہبی تشریحات پیش کررہے ہیں اور اس بات پر زور دیتے ہیں کہ خدا نے صیہونی حکومت کے خاتمے کے لیے زمین ہموار کر دی ہے۔
یسرائیل ہیوم کے مطابق ایسے حالات میں جب حزب اللہ کی طاقت میں روز بروز اضافہ ہوتا جا رہا ہے، اسرائیلی فوج ایک مشکل صورت حال میں پھنسی ہوئی ہے۔ اسرائیلی فوج انتہائی تناؤ کا شکار ہے اور تمام محاذوں پر منقسم ہے اور سیکڑوں فلسطینی مجاہدین اسرائیل کے خلاف بر سر پیکار ہیں۔
