SAHAR

فلسطین کی تحریک حماس کے فوجی بازو نے غزہ کے مختلف علاقوں میں غاصب صیہونی حکومت کے چھے ٹینک تباہ کر دیئے۔

سحرنیوز/عالم اسلام: القسام بریگیڈ نے ایک بیان میں اعلان کیا ہے کہ پیر کی صبح غزہ کے مختلف علاقوں میں صیہونی حکومت کے چھے ٹینک تباہ کردیئے گئے۔
القسام بریگیڈ کے اعلان کے مطابق ایک ٹینک الھوا علاقے، ایک ٹینک شمال مغربی غزہ میں، دو ٹینک جنوبی غزہ میں اور تین ٹینک بیت حانون میں تباہ کئے گئے۔
ان ٹینکوں کی تباہی میں کئی صیہونی فوجی بھی ہلاک ہوئے۔ غاصب صیہونی حکومت نے اپنے بھاری جنگی سازوسامان کو پہنچنے والے اس نقصان کے بارے میں اب تک اپنے کسی ردعمل کا اظہار نہیں کیا ہے جبکہ طوفان الاقصی شروع ہونے کے بعد سے صیہونی حکومت کو اس طرح کے بہت سے نقصانات کا سامنا کرنا پڑا ہے۔