اسرائیل کے شہروں میں کئی زوردار دھماکے
Nov ۱۲, ۲۰۲۳ ۲۰:۰۳ Asia/Tehran
غاصب اسرائیل کے شہروں میں کئی زوردار دھماکے ہونے کی رپورٹیں موصول ہوئی ہیں۔
سحرنیوز/عالم اسلام: میڈیا ذرائع نے غاصب اسرائیل کے شمالی شہروں حیفا اور عکا میں کئی زوردار دھماکے ہونے کی رپورٹ دی ہے۔ اطلاعات کے مطابق "حیفا" اور "عکا" شہروں میں دھماکوں کی آوازیں فلسطین کے استقامتی محاذ کے وسیع راکٹ حملوں کے بعد سنائی دی ہیں۔
صیہونی ٹی وی چینل 12 نے ایک رپورٹ میں بتایا کہ حیفا اور عکا میں کئی دھماکے ہونے کے بعد ان علاقوں میں خطرے کے سائرن بجنے لگے۔ اس رپورٹ کے مطابق حیفا اور عکا میں یہ دھماکے فلسطین کے استقامتی محاذ کے داغے گئے راکٹوں سے ہوئے ہیں۔
صیہونی ٹی وی چینل 12 کے مطابق امداد رسانی کی گاڑیاں دھماکوں کے مقام پر پہنچ رہی ہیں۔
ادھر غاصب اسرائیلی فوج نے بتایا ہے کہ یہ راکٹ جنوبی لبنان سے اسرائیل کے شمال میں داغے گئے ہیں۔
