SAHAR

تحریک حماس کی فوجی ونگ عزالدین قسام بریگيڈ نے گذشتہ چوبیس گھنٹوں کے دوران نو صیہونی فوجیوں کو ہلاک کرنے کی خبر دی ہے۔

سحرنیوز/عالم اسلام: القسام بریگيڈ نے کہا ہے کہ مزاحمتی فورسز نے اسی طرح بائيس اسرائیلی ٹینکوں اور فوجی گاڑیوں کو بھی تباہ کردیا ہے کہ جو غزہ میں داخل ہونا چاہتی تھیں۔ القسام بریگيڈ نے جنوبی غزہ کے مرکز میں میزائل سسٹم، رجوم، کے ذریعے غاصب فوجیوں کے ایک دستے پر بھی حملہ کیا ہے۔ خبری ذرائع نے اسی طرح قدس یونیورسٹی کے قریب مزاحمتی فورسز اور غاصب صیہونی فوجیوں کے درمیان شدید لڑائی کی خبر دی ہے۔ القسام بریگيڈ نے بیت حانون میں بھی بھاری مارٹر گولوں سے صیہونی فوجیوں کو نشانہ بنایا ہے۔