SAHAR

ایک صیہونی جنرل نے اس بات کا ذکر کرتے ہوئے کہ تحریک حماس بدستور طاقتور اور مستحکم ہے کہا کہ اس تحریک کے اختیار میں ابھی بھی بہت سے صیہونی قیدی ہیں اور اسے کامیابی حاصل ہوئی ہے۔

سحر نیوز/ عالم اسلام: صہیونی فوج کے ایک ریزرو جنرل یسرائیل ضیف نے کہا کہ میرے خیال میں اگر حماس اس وقت جنگ روکنے میں کامیاب ہو جاتی ہے تو اس کی فتح ہو گی ۔ انہوں نے کہا کہ سات اکتوبر کی کامیابی کو حماس اور شاید عالم اسلام کی نظر میں، حزب اللہ اور ایرانی محور کے نقطہ نظر سے بہت اہم کامیابی سمجھا جا رہا ہے ۔

اس صہیونی جنرل نے جو صیہونی حکومت کے آپریشن یونٹ کا کمانڈر تھا، مزید کہا کہ حماس نے بدستور اپنی طاقت کا تحفظ کیا ہے اور اس کے سبھی مرکزی کمانڈر موجود ہیں- اس جنرل نے کہا کہ حماس کے پاس اب بھی بہت سے اسرائیلی قیدی ہیں، اور اس نے فتح حاصل کی ہے۔