SAHAR

یمنی ذرائع نے یمنی فوج کے توسط سے بحیرۂ احمر میں ایک بحری جہاز کے روکے جانے کی خبر دی ہے۔

سحر نیوز/ عالم اسلام: سما نیوز ایجنسی کی رپورٹ کے مطابق یمن کی بحریہ نے اس ملک کی الحدیدہ بندرگاہ سے پچاس کیلومیٹر کےفاصلے پر ایک بحری جہاز کو روک دیا- اس نیوز ایجنسی نے اس بارے میں مزید تفصیلات نہیں بتائی ہيں-

یمن کی مسلح افواج ، سات اکتوبر سے غزہ کے خلاف جاری صیہونی حکومت کی وحشیانہ کارروائیوں اوراس علاقے کا محاصرہ کیئے جانے کے خلاف جوابی کارروائی کرتے ہوئے گذشتہ چند ہفتوں سے بحیرۂ احمر میں صیہونی حکومت کے تیل بردار اور سامان لے جانے والے بحری جہازوں کو اپنا نشانہ بنا رہی ہے۔