SAHAR

غاصب صیہونی حکومت کی جارح فوج نے آج غزہ کے جنوب میں رفح کو جارحیت کا نشانہ بناتے ہوئے ایک گاڑی پر براہ راست حملہ کیا جس میں متعدد فلسطینی شہید و زخمی ہوگئے۔

سحرنیوز/عالم اسلام: غاصب صیہونی حکومت کی جارح فوج نے غزہ میں النصیرات کیمپ پر بھی حملہ کیا اور ایک مکان پر بمباری کی۔ اس حملے میں بھی کئی فلسطینی شہید و زخمی ہوگئے۔ صیہونی حکومت کے جنگی ہیلی کاپٹروں نے بھی المغازی کیمپ پر حملہ کیا اور خان یونس کے مختلف علاقوں کو جارحیت کا نشانہ بنایا۔
غاصب صیہونی حکومت کی جارح فوج نے غزہ کے ساتھ ساتھ غرب اردن کو بھی جارحیت کا نشانہ بنایا جہاں صیہونی فوجیوں نے براہ راست فائرنگ کرکے کم سے کم تین فلسطینیوں کو شہید کر دیا۔