یمن کی پارلیمنٹ نے ایک بیان میں کہا ہے یمن کے خلاف امریکہ اور برطانیہ کے حملے، فلسطین کی حمایت میں یمنی عوام کے موقف کو کبھی تبدیل نہیں کرسکیں گے۔

سحرنیوز/عالم اسلام: یمن کی پارلیمنٹ نے یمن پر امریکہ اور برطانیہ کے حملوں کی مذمت کرتے ہوئے اس ملک کی قیادت اور اس جارحیت کے جوابی آپشنز کی حمایت کی ہے۔ اس بیان میں کہا گيا ہے کہ یہ جارحانہ حملے یمن کے موقف کے صحیح ہونے کو ثابت کرتے ہیں کہ جو فلسطینی عوام کی حمایت کےلئے انسانی، اخلاقی اور دینی ذمہ داری، فریضے کے احساس اور پختہ یقین پر مبنی ہيں۔
یمن کی پارلمینٹ کے بیان میں مزید کہا گیا ہے کہ اس ملک کے خلاف امریکہ اور برطانیہ کے حملے، فلسطین کی حمایت میں یمنی عوام کے موقف کو کبھی تبدیل نہیں کرسکیں گے۔ اس بیان میں یہ بھی ذکر ہوا ہے کہ ہم یمن کے خلاف سلامتی کونسل کی حالیہ متعصبانہ قرارداد میں دوہرے معیار کی مذمت کرتے ہیں۔