SAHAR

میڈیا ذرائع نے اتوار کی صبح جنوبی غزہ میں واقع شہر رفح پر صیہونی فوج کی بمباری اور گولہ باری کی خبر دی ہے۔

سحرنیوز/عالم اسلام: فلسطینی نیوز ایجنسی سما کی رپورٹ کے مطابق جنوب مشرقی رفح میں ایک اسکول میں پناہ لئے ہوئے فلسطینیوں پر صیہونی حکومت کی بمباری میں دو بچے شہید اور دو دیگر زخمی ہوگئے۔ رفح پاس کے اطراف میں بھی صیہونی حکومت کی گولہ باری کے نتیجے میں بھی کئی فلسطینی شہید اور زخمی ہوگئے ہیں۔
صیہونی حکومت کے جنگی طیاروں نے جنوبی شہر رفح کے السلام محلے پر بھی بمباری کی ہےگذشتہ چوبیس گھنٹوں کے اندر صیہونی حکومت کے جنگی طیارے شہر خان یونس کے کئی علاقوں پر بماری کرچکے ہيں جس کے نتیجے میں متعدد فلسطینی شہید اور زخمی ہوئے ہيں۔