مسجد الاقصیٰ کا محاصرہ توڑنے کےلئے فلسطینی عوام سے حماس کی اپیل
فلسطین کی اسلامی مزاحمتی تحریک نے مسجد الاقصی کے ارد گرد صیہونی فوج کے حفاظتی اقدامات اور فلسطینیوں کو اس مقدس مقام میں داخل ہونے سے روکنے کے لیے بدھ کے روز محاصرہ توڑنے کی تحریک کی اپیل کی ہے۔
سحرنیوز/عالم اسلام: مسجد الاقصیٰ کا محاصرہ توڑنے کی تحریک کے بارے میں حماس کے بیان میں کہا گیا ہے کہ ہم مغربی کنارے کے فلسطینی عوام سے کہتے ہیں کہ وہ مسجد الاقصیٰ کی طرف آئيں تاکہ قابض حکومت کے اقدامات اور انکی سازشوں کو ناکام بنایا جا سکے۔ بیان میں کہا گیا ہے کہ ہم مغربی کنارے کے لوگوں سے اپیل کرتے ہیں کہ وہ مسجد الاقصیٰ اور غزہ کی پٹی میں ثابت قدم فلسطینی قوم کی حمایت میں قابض حکومت کی مخالفت کریں۔
حماس نے بیت لحم میں النفق نامی صیہونی فوجی چوکی پر گزشتہ روز کی کارروائی پر مبارکباد پیش کی جسمیں دو صیہونی زخمی ہوگئے اور قابض حکومت کے ساتھ فلسطینیوں کے تصادم کو تیز کرنے پر زور دیا۔صہیونی ذرائع کے مطابق حملہ آور کو صیہونی فورسز نے گولی مار دی۔
