لبنان پر اسرائیل کا حملہ، دو نوجوان شہید
صیہونی فوج کی بمباری میں 2 لبنانی چرواہے شہید ہوگئے۔
سحر نیوز/ عالم اسلام: جنوبی لبنان میں اسرائیلی جنگی طیاروں کے حملے میں 2 لبنانی شہری شہید ہوگئے۔
المنار چینل نے اتوار کی دوپہر رپورٹ دی کہ اسرائیلی جنگی طیاروں نے جنوبی لبنان کے علاقے "حولا" پر حملہ کیا۔
چند منٹ بعد لبنان 24 چینل نے اطلاع دی کہ حولا پر اسرائیلی جنگی طیاروں کے حملے میں علی مصطفیٰ قاسم" اور ان کے بھائی "محمد مصطفیٰ قاسم" نامی دو لبنانی شہری شہید ہو گئے۔
المنار چینل کے رپورٹر علی شعیب نے بتایا کہ یہ دونوں شہید دو لبنانی چرواہے تھے جو اپنے گھر واپس جاتے ہوئے اسرائیلی بمباری میں شہید ہوگئے۔
لبنان 24 نے اس بات کی بھی نشاندہی کی کہ اسرائیلی جنگی طیاروں نے "عیتا الشعب" کے علاقے کو توپ خانے سے نشانہ بنایا۔
المنار کے رپورٹر نے یہ بھی بتایا کہ ایک اسرائیلی مرکاوا ٹینک عیتا الشعب کے علاقے میں گولیاں برسا رہا ہے۔
