SAHAR

غزہ کے مختلف علاقوں پر صیہونی حکومت کی جارحیت مسلسلہ جاری ہے اور صیہونی فوج کے تازہ حملوں میں کئی تعداد فلسطینی شہید ہوگئے۔

سحرنیوز/عالم اسلام: غزہ شہر کے مشرق میں ایک رہائشی مکان پر بمباری میں 3 فلسطینی شہید اور کم از کم 13 زخمی ہو گئے۔ غزہ شہر کے وسط میں "حی الدرج" محلے کی یافا اسٹریٹ پر غاصب فوج کے فضائی حملے کے نتیجے میں 2 لڑکیاں شہید اور 17 دیگر فلسطینی زخمی ہوگئے۔
دوسری جانب غزہ کی ریسکیو اینڈ ریلیف ٹیم نے بھی اپنے بیان میں کہا ہے کہ حی الدرج محلے کی النفق اسٹریٹ میں واقع رہائشی عمارت پر بمباری کے نتیجے میں 4 فلسطینی شہید اور 8 زخمی ہوگئے۔ واضح رہے کہ غزہ پٹی پر حملوں کے آغاز سے اب تک 37 ہزار 953 فلسطینی شہید اور 87 ہزار 266 فلسطینی زخمی ہو چکے ہیں۔