حزب اللہ کا شہر حیفا پر میزائلی حملہ7 انتہا پسند صیہونی ہلاک
غاصب صیہونی حکومت کے ٹی وی چینل چودہ نے شہر حیفا کے مشرق میں واقع علاقے کریوت پر حزب اللہ لبنان کے میزائل حملے میں 7 انتہا پسند صیہونیوں کی ہلاکت کی خبر دی ہے۔
سحر نیوز/ عالم اسلام: ارنا کی رپورٹ کے مطابق حزب اللہ لبنان نے جنوبی لبنان سے شہر حیفا کے مشرق میں واقع علاقے کریوت پر میزائل حملہ کیا ہے۔ صیہونی ذرائع نے بھی رپورٹ دی ہے کہ حزب اللہ کا ایک میزائل حیفا کے مشرق میں ایک روڈ کراسنگ پر لگا جس میں ابتدائی رپورٹ کے مطابق دو انتہا پسند صیہونی زخمی ہوئے۔
غاصب صیہونی حکومت کے ٹی وی چینل چودہ نے بھی رپورٹ دی ہے کہ شہر حیفا کے مشرق میں واقع علاقے کریوت پر حزب اللہ لبنان کے میزائل حملے میں دو انتہا پسند صیہونی ہلاک ہوئے۔
دوسری جانب صیہونی ٹی وی چینل تیرہ نے رپورٹ دی ہے کہ شمالی مقبوضہ فلسطین میں المطلہ کے علاقے پر لبنان سے فائر کئے جانے والے راکٹ حملے کے نتیجے میں پانچ انتہا پسند صیہونی ہلاک اور ایک زخمی ہوا ہے جس کی حالت نازک بتائی جاتی ہے۔ صیہونی ذرائع ابلاغ نے جنوبی لبنان سے مقبوضہ شمالی فلسطین پر پچیس راکٹ حملوں کی بھی خبر دی ہے۔
