فلسطینی مجاہدین اورغاصب صیہونی فوجیوں میں جھڑپیں
جارح صیہونی فوج نے فلسطینیوں کے خلاف جارحیت کا سلسلہ جاری رکھتے ہوئے مغربی کنارے میں واقع نابلس کے العین کیمپ پر دھاوا بول دیا جس کے بعد فلسطینیوں کے ساتھ ان کی لڑائی شروع ہوگئی-
سحر نیوز/ عالم اسلام: صیہونی فوجیوں نے شمالی غرب اردن میں واقع نابلس کے العین کیمپ پر دھاوا بول کر ایک فلسطینی نوجوان کو شہید کر دیا۔
فلسطین کی تحریک جہاد اسلامی کی عسکری شاخ سرایا القدس نے نابلس کے العین کیمپ میں اس کے مجاہدین اور صہیونی فوج کے درمیان لڑائی کی خبر دی ہے۔
فلسطینی مجاہدین نے نابلس کی سوق الہلال اسٹریٹ سے پسپائی کے دوران بھی صہیونی فوجیوں کو نشانہ بنایا ۔ العین کیمپ میں ہونے والی لڑائی میں جہاد القاطونی نامی فلسطینی نوجوان شہید ہوگیا۔
صیہونی فوجیوں نے اسرائیلی قید سے آزاد ہونے والے ایک فلسطینی رافت ابو زید کو مغربی کنارے کے علاقے قلقیلیہ میں اس کے گھر پر چھاپہ مار کر گرفتار کر لیا ۔ چند روز قبل بھی صیہونی آباد کاروں نے نابلس کے مشرق میں واقع بیت فوریک میں فلسطینیوں کے گھروں پر حملہ کرکے ان کی گاڑیوں کو آگ لگا دی تھی
