دہشتگرد اسرائیلی حکومت غزہ میں موجود اپنے ہی قیدیوں کو مارنے کی کر رہی ہے سازش، ابو عبیدہ کا چونکا دینے والا بیان!
حماس کے فوجی ونگ القسام بریگیڈ کے ترجمان نے کہا ہے کہ صیہونی قابض فوج نے جان بوجھ کر اس جگہ بمباری کی جہاں اسرائیلی قیدی رکھے گئے تھے اور انکی ہلاکت کو یقینی بنانے کے لیے متعدد دفعہ بمباری کی۔
سحرنیوز/عالم اسلام: موصولہ اطلاعات کے مطابق القسام بریگیڈ کے ترجمان ابو عبیدہ نے اپنے ٹیلی گرام چینل پر نشر کئے گئے پیغام میں کہا کہ ہمارے پاس ایسی اطلاعات ہیں جن سے ظاہر ہوتا ہے کہ دشمن نے غزہ میں اسرائیلی قیدیوں کے حراستی مرکز پر جان بوجھ کر بمباری کی ہے جس کا مقصد اپنے قیدیوں اور ان کی حفاظت پہ مامور مجاہدین کو ہلاک کرنا ہے۔
القسام کے ترجمان نے مزید کہا کہ صیہونی قابض فوج نے حال ہی میں اس جگہ پر بمباری کی جہاں بعض اسرائیلی قیدیوں کو رکھا گیا تھا اور ان کی ہلاکت کو یقینی بنانے کے لیے اس جگہ پر کئی بار بمباری کی۔
ابو عبیدہ نے کہا کہ ہمارے مجاہدین نے دشمن کے قیدیوں کو ملبے کے نیچے سے نکالنے کی کوشش کی اور ان میں سے ایک کو نکالنے میں کامیاب ہوئے، لیکن اس کی حالت تشویشناک ہے۔
