یمن کی مسلح افواج کے ترجمان بریگیڈيئر جنرل یحیی سریع نے کہا ہے کہ ہمارے میزائل یونٹ نے مقبوضہ یافا اور جنوبی بیت المقدس کے پر دو میزائل داغے ہیں۔

سحر نیوز/ عالم اسلام: بریگیڈيئر جنرل یحیی سریع نے تفصیلات بتاتے ہوئے کہا کہ پہلی کارروائی میں بن گوریون ہوائی اڈے کو ہائپر سونک فلسطین 2 میزائل سے نشانہ بنایا گیا جبکہ دوسری کارروائی میں ہم نے جنوبی مقبوضہ بیت المقدس میں ایک پاور پلانٹ کو ذوالفقار بیلسٹک میزائل سے نشانہ بنایا۔ دونوں میزائل کامیابی سے اپنے اہداف پر لگے۔

بریگیڈيئر جنرل یحیی سریع نے مزید کہا کہ اسی دوران یمنی بحریہ اور ڈرونز نے امریکی طیارہ بردار بحری جہاز ہیری ٹرومین کو بڑی تعداد میں ڈرونز اور کروز میزائلوں سے اس وقت  نشانہ بنایا جب امریکی فوج یمن پر حملے کی تیاری کر رہی تھی۔

انہوں نے زور دے کر کہا کہ  یہ آپریشن بھی کامیاب رہا اور یمن پر امریکی حملے کو ناکام بنا دیا گیا۔

بریگیڈيئر جنرل یحیی سریع  کا مزید کہنا تھا کہ یمنی فوج نے ہر قسم کی جارحیت کا مقابلے کرنے کے لئے اپنی آمادگی بڑھا لی ہے۔