SAHAR

صیہونی حکومت کی داخلی سلامتی کے عہدے سے مستعفی ہونے والے وزیر ایتمار بین گویر نے صیہونی وزیر اعظم نیتن یاہو کو کڑی تنقید کا نشانہ بناتے ہوئے دعویٰ کیا کہ اسرائیل نے حماس سے وابستہ مسلح مزاحمت کاروں کے سینکڑوں افراد کو رہا کیا ہے۔

سحر نیوز/ عالم اسلام:   بین گویر نے طنزیہ انداز میں جنگ بندی اور صیہونی قیدیوں کی رہائی کے بدلے فلسطینی قیدیوں کی رہائی کے حامیوں کو مخاطب کرتے ہوئے کہا کہ غزہ میں جنگ بند کرو، نیٹزاریم اور شمالی غزہ پٹی سے انخلاء کرو اور حماس کو بلڈوزر دے دو۔ اپنی تقریر کے ایک اور حصے میں، بین گویرنے اس گروپ پر بھی  تنقید کی جو اس بات پر یقین رکھتا ہے کہ غزہ پٹی کی انتظامیہ کو فلسطینی انتظامیہ کے حوالے کر دیا جانا چاہیے اور دعویٰ کیا کہ فلسطینی انتظامیہ کے کارناموں پر آنکھیں بند رکھو جو قاتلوں کو انعام دیتی ہے۔