طالبان کی طرف سے واشنگٹن کے حالیہ واقعے میں ملوث ہونے کی تردید
افغانستان کی طالبان حکومت نے واشنگٹن میں ہونے والے حالیہ واقعے میں طالبان کے ملوث ہونے کی تردید کی ہے۔
سحرنیوز/عالم اسلام: طلوع نیوز کی رپورٹ کے مطابق قطر میں طالبان حکومت کے نمائندے سہیل شاہین نے واشنگٹن میں ہونے والے حالیہ واقعے میں طالبان کے ملوث ہونے کی تردید کرتے ہوئے اس بات پر زور دیا کہ یہ واقعہ غیر ملکی انٹیلی جنس نیٹ ورکس کی سرگرمیوں کا نتیجہ ہو سکتا ہے جو جعلی بیانیہ بنا کر افغانستان اور اس کے شہریوں کو سلامتی کے لیے خطرے کے طور پر پیش کرنے کی کوشش کر رہے ہیں۔
سہیل شاہین نے ہندوستانی میڈیا آؤٹ لیٹ کے ساتھ ایک انٹرویو میں کہا کہ ہوسکتا ہے غیر ملکی انٹیلی جنس نیٹ ورکس نے واشنگٹن میں ہونے والے حالیہ واقعے میں کردار ادا کیا ہو اور وہ افغان شہریوں کو ایک سیکورٹی خطرہ کے طور پر پیش کرنا چاہتے ہیں۔
ہمیں فالو کریں:
Follow us: Facebook, X, instagram, tiktok
یہ بیانات ایسے وقت میں سامنے آئے ہیں کہ جب علاقائی ذرائع ابلاغ نے اپنی حالیہ رپورٹوں میں بتایا ہے کہ واشنگٹن ڈی سی میں ہونے والے سیکورٹی واقعے میں افغان شہریت کے حامل فرد یا افراد کی شناخت کی گئی ہے۔
