بنگلہ دیش نے آئی پی ایل کی نشریات پر پابندی لگادی

Jan ۰۵, ۲۰۲۶ ۱۵:۰۶ Asia/Tehran

اطلاعات کے مطابق بنگلہ دیش کی عبوری حکومت نے انڈین پریمیئر لیگ (آئي پی ایل) کے ٹیلی کاسٹ پر پابندی لگادی ہے۔

سحرنیوز/عالم اسلام: میڈیا ذرائع کی رپورٹ کے مطابق ہندوستان اور بنگلہ دیش کے رشتوں میں کشیدگی کے درمیان بنگلہ دیشی حکومت نے آئی پی ایل (انڈین پریمیئر لیگ) کی نشریات پر پابندی سے متعلق نوٹیفکیشن جاری کیا ہے جس کے مطابق یہ پابندی غیرمعینہ مدت کے لیے لگائی گئی ہے۔

اطلاعات کے مطابق بنگلہ دیش کی عبوری حکومت نے ملک میں ’انڈین پریمیر لیگ‘ (آئی پی ایل) کے سبھی میچوں کے ٹیلی کاسٹ پر فوری طور پر پابندی لگا دی ہے۔

اس سے پہلے بنگلہ دیش کرکٹ بورڈ (بی سی بی) نے ٹی 20 ورلڈکپ کے لیے اپنی ٹیم ہندوستان نہ بھیجنے کا باضابطہ اعلان کیا تھا۔

بی سی بی اعلامیے کے مطابق بورڈ کے ڈائریکٹروں کی ہنگامی میٹنگ میں بنگلادیشی ٹیم ہندوستان نہ بھیجنے کا فیصلہ کیا گیا۔

اعلامیے کے مطابق میٹنگ میں ہندوستان اور سری لنکا کی مشترکہ میزبانی میں ہونے والے ٹی 20 ورلڈکپ کی پیش رفت سے متعلق جائزہ لیا گیا۔

ہمیں فالو کریں:

واضح رہے کہ بنگلہ دیش کے کرکٹ کھلاڑی مستفیض الرحمان کو آئی پی ایل میں شامل کرنے پر کولکاتا نائٹ رائیڈرز کے مالک سپراسٹار شاہ رخ خان شدید تنقید کی زد میں تھے، ہندوستان کے شدت پسند ہندوؤں نے شاہ رخ خان کو غدار تک کہہ دیا تھا۔

اس کے بعد کولکاتا نائٹ رائیڈرز نے بنگلہ دیش کے تیز گیندباز مستفیض الرحمان کو اسکواڈ سے نکال دیا۔ ان کو اسکواڈ سے باہر کیے جانے سے بنگلہ دیش میں ناراضگی پھیل گئی۔ وہاں اسے صرف کھیل کا فیصلہ نہیں بلکہ ملک کے وقار سے وابستہ معاملہ تصور کیا گیا۔