حزب اللہ کی طرف سے صیہونی حکومت کو کسی بھی قسم کی رعایت دیئے جانے کی سخت مخالفت

Jan ۱۱, ۲۰۲۶ ۱۷:۱۵ Asia/Tehran

حزب اللہ کے رکن پارلیمان نے صیہونی حکومت کو کسی بھی قسم کی رعایت دیئے جانے کی سخت مخالفت کی ہے۔

سحرنیوز/عالم اسلام: لبنانی پارلیمنٹ میں حزب اللہ کے رکن حسین الحاج حسن نے اس بات پر تاکید کرتے ہوئے کہ صیہونی حکومت کسی معاہدے کی پابند نہیں ہے، کہا کہ لبنانیوں کو متحد ہونا چاہیے اور دشمن کو مزید رعایتیں نہیں دینی چاہئیں۔

حسین الحاج حسن نے ایک بیان میں کہا کہ صیہونی حکومت کسی بھی معاہدے کی پابندی نہ کرتے ہوئے اپنی جارحیت مسلسل جاری رکھے ہوئے ہے اور لبنان میں اس حکومت کے زیر قبضہ علاقوں کی تعداد اب پانچ سے بڑھ کر سات ہوگئی ہے۔

انہوں نے تاکید کی کہ صیہونی حکومت ریڈ کراس کو قیدیوں سے ملنے اور ان کی حالت کے بارے میں جاننے کی اجازت نہیں دیتی۔ یہ غاصب حکومت تعمیر نو کی راہ میں بھی رکاوٹ ہے اور روزانہ کی بنیاد پر لبنان کے مختلف گھروں اور اداروں پر بمباری کرتی ہے تاکہ لوگوں کو اپنے سامنے ہتھیار ڈالنے پر مجبور کرے-

ہمیں فالو کریں:

لبنانی رکن پارلیمان نے کہا کہ اسرائیل کے بارے میں امریکہ کی جانبداری سب پر عیاں ہے اور فرانس کی بے بسی اور ناتوانی بھی واضح ہے اس لئے لبنانیوں کو اب متحد ہو جانا چاہیے اور دشمن کو مزید رعایتیں فراہم نہیں کرنی چاہئیں۔