SAHAR

ننکانہ صاحب میں گرونانک یونیورسٹی کے سنگ بنیاد کی تقریب سے خطاب کرتے ہوئے وزیراعظم عمران خان نے ایک بار اپنے اس موقف کا اعادہ کیا کہ جب تک وہ زندہ ہیں کسی کو این آر او نہیں دیں گے۔

پاکستان کے وزیراعظم نے اپوزیشن کے آزادی مارچ پر بھی کڑی نکتہ چینی کرتے ہوئے  کہا کہ آزادی مارچ والے موجودہ حکومت کی کامیابی سے خوفزہ ہے۔انہوں نے اپوزیشن جماعتوں کے اتحاد پر تنقید کرتے ہوئے کہا کہ یہ بلیک میلنگ کا ایک طریقہ ہے لیکن میں بلیک میل ہونے والا نہیں ہوں۔

مسلم لیگ نون کے قائد نواز شریف سے متعلق وزیراعظم عمران خان نے کہا کہ سابق وزیراعظم کو بہترین طبی سہولیات فراہم کی جارہی ہیں۔

انہوں نے نواز شریف کی زندگی کی ضمانت کے حوالے سے عدالتی استفسار پر تبصرہ کرتے ہوئے کہا کہ میں تو اپنی زندگی کی ضمانت نہیں دے سکتا کسی اور کی جان کی ضمانت کیسے دے سکتا ہوں۔