سبی میں سیکورٹی فورسز کے قافلے پر حملہ، 10 اہلکار جاں بحق اور زخمی
Mar ۱۵, ۲۰۲۲ ۱۴:۰۶ Asia/Tehran
واقعے کی اطلاع ملتے ہی سیکیورٹی فورسز نے جائے وقوعہ پر پہنچ کر علاقے کو گھیرے میں لے لیا اور سرچ آپریشن شروع کردیا ہے۔
پاکستان کے صوبہ بلوچستان کے علاقے سبی کی تحصیل سانگان میں سیکورٹی فورسز کے قافلے پر دیسی ساختہ میں بم دھماکے میں 4 ایف سی اہلکار جاں بحق اور 6 شدید زخمی ہوگئے، جاں بحق اور زخمی ہونے والے فرنٹیئر کور کے اہلکاروں کو ایئر ایمبولینس کے ذریعے کمبائنڈ ملٹری اسپتال (سی ایم ایچ) سبی منتقل کر دیا گیا۔ زخمی ہونے والے تمام 6 اہلکاروں کی حالت تشویشناک بتائی جاتی ہے۔
واقعے کی اطلاع ملتے ہی سیکیورٹی فورسز نے جائے وقوعہ پر پہنچ کر علاقے کو گھیرے میں لے لیا اور سرچ آپریشن شروع کردیا ہے۔
واضح رہے کہ 8 مارچ کو بھی سبی میں جیل روڈ پر بم دھماکے میں 7 افراد جاں بحق اور 35 زخمی ہوئے تھے۔
