پی ٹی آئی رہنما علی زیدی گرفتار
پاکستانی میڈیا نے خبردی ہے کہ علی زیدی پر سترہ کروڑ روپے کی بدعنوانی کا الزام ہے۔
سحر نیوز/ پاکستان: پی ٹی آئی کے ذرائع نے علی زیدی کی گرفتاری کی تصدیق کرتے ہوئے کہا کہ سندھ پولیس علی زیدی کو گرفتارکرکے نامعلوم مقام پر لے گـئی ہے۔
پی ٹی آئی سندھ کے ترجمان نے کہا ہے کہ سندھ پولیس نے پی ٹی آئی کے دفتر پر چھاپہ مارا اور صوبائی صدر علی زیدی کو گرفتار کرلیا جس کی ہم مذمت کرتے ہیں۔
پی ٹی آئی کے ترجمان کا کہنا ہے کہ سندھ پولیس نے علی زیدی کو اس وقت گرفتار کیا جب وہ سندھ سکریٹریٹ میں تنظیموں عہدیداروں سے ملاقات کررہے تھے۔
دوسری جانب یہ بھی کہا جارہا ہے کہ پی ٹی آئی سندھ کے صدر علی زیدی کو گذشتہ روز درج ہونے والے بد عنوانی کے ایک مقدمے میں گرفتار کیا گیا ہے - مقدمہ ابراہیم حیدری تھانے میں درج کیا گیا تھا۔
پاکستانی میڈیا نے خبردی ہے کہ علی زیدی پر سترہ کروڑ روپے کی بدعنوانی کا الزام ہے۔
