میاں محمد نواز شریف مسلم لیگ (ن) کے صدر منتخب
May ۲۸, ۲۰۲۴ ۱۴:۲۰ Asia/Tehran
پارٹی قائد میاں محمد نواز شریف کو مسلم لیگ کا بلامقابلہ صدر منتخب کرلیا گیا۔
سحر نیوز/ پاکستان: پاکستان مسلم لیگ (ن) کے نئے صدر کے انتخاب کے معاملے میں کاغذات نامزدگی کی جانچ پڑتال کا عمل مکمل ہونے کے بعد امیدواروں کی حتمی فہرست جاری کردی گئی جو کہ چیف الیکشن کمشنر رانا ثناء اللہ کی جانب سے جاری ہوئی۔
پارٹی ذرائع کے مطابق فہرست میں صرف ایک امیدوار میاں محمد نواز شریف صدر کے عہدے کے امیدوارتھے اس طرح میاں محمد نواز شریف مسلم لیگ کے بلامقابلہ صدر منتخب ہوگئے ہیں۔
نواز شریف کی بطور صدر کامیابی کا اعلان جنرل کونسل کے اجلاس میں کیا گیا۔
یاد رہے کہ وزیراعظم شہباز شریف نے 11 مئی کو پاکستان مسلم لیگ (ن) کی صدارت سے استعفی دیتے ہوئے دعوی کیا تھا کہ 2017 میں قائد محمد نواز شریف سے ناحق وزارت عظمیٰ اور جماعت کی صدارت چھین لی گئی ۔
