پاکستان: صوبۂ بلوچستان میں 6 دہشت گردوں کو موت کے گھاٹ اتار دیا گیا
پاکستان کے صوبۂ بلوچستان کے ایک علاقے میں سیکورٹی فورسز نے ایک کارروائی کے دوران کم سے کم 6 دہشت گردوں کو ہلاک کردیا ہے۔
سحرنیوز/پاکستان: پاکستانی میڈیا ذرائع کی رپورٹ کےمطابق صوبۂ بلوچستان کے علاقے دالبندین میں سیکورٹی فورسز نے ایک کامیاب کارروائی انجام دی جس کے نتیجے میں کم سے کم 6 دہشت گرد ہلاک ہوگئے۔
رپورٹ میں بتایا گیا ہے کہ دالبندین کے علاقے میں دہشت گردی کے خاتمے اور امن و امان کے قیام کے لئےسیکورٹی فورسز کی مؤثر کارروائیاں جاری ہیں۔ سیکورٹی ذرائع نے بتایا کہ ہلاک کئے گئے دہشت گرد پہاڑی غار میں پناہ لئےہوئے تھے، جن پر فضائی نگرانی کے ذریعے مسلسل نظر رکھی جارہی تھی۔
سیکورٹی ذرائع کے مطابق قانون نافذ کرنے والے اداروں نے صحیح وقت پر دہشت گردوں کے ٹھکانےکو مؤثر انداز سے نشانہ بنایا، جس میں 6 دہشت گرد مارے گئے۔
سیکورٹی ذرائع نے مزید بتایا کہ یہ اہم کامیابی سیکورٹی فورسز اور خفیہ اداروں کی بہترین ہم آہنگی اور مؤثر رابطے کا نتیجہ ہے اور یہ کہ بلوچستان میں دہشت گردی کے خاتمے تک فورسز کی جانب سے سیکورٹی کارروائیاں جاری رہیں گی۔
