مسلکِ من حُسینی، رہبرِ من خُمینی: پاکستان کے ممتاز سیاست داں اسد عمر
پاکستان کے ممتاز سیاست داں اور سابق وزیرِ خزانہ نے ایران کے خلاف امریکہ اور صیہونی حکومت کی دھمکیوں کی مذمت کرتے ہوئے کہا ہے کہ میں بھی ایران کے انقلابی عوام کے ساتھ ہم آواز ہوکر "مسلکِ من حُسینی، رہبرِ من خُمینی" کا نعرہ لگاتا ہوں۔
سحرنیوز/پاکستان: ارنا کی رپورٹ کے مطابق پاکستان تحریک انصاف پارٹی کے مرکزی رہنما اور سابق وزیر خزانہ اسد عمر نے سماجی رابطے کے پلیٹ فارم ایکس پر اپنی پوسٹ میں لکھا ہے کہ ایران کی خارجہ پالیسی کے بارے میں بعض تحفظات کے باوجود، ایران کا نظام ختم کرنے کی سازش میں اسرائیلی حکومت کی ہر کوشش کا مخالف ہوں۔
انھوں نے لکھا ہے کہ اگر ایران میں اسرائيل کی ایما پر تبدیلی کی کوشش ہوتی ہے تو میں انقلاب اسلامی کے عوامی نعرے کے ساتھ ہم زبان ہوکر کہوں گا "مسلکِ من حُسینی، رہبرِ من خُمینی۔"
پاکستان کے سابق وزیر خزانہ اسد عمر نے لکھا ہے کہ "میں امریکہ کی خارجہ پالیسی کے چہرے سے نقاب ہٹادینے پر ڈونلڈ ٹرمپ کا شکریہ ادا کرتا ہوں۔"
انہوں نے مزید کہا ہے کہ "ٹرمپ آشکارا طور پر کہتے ہیں کہ ان کا اصل مقصد تیل اور معدنیات پر قبضہ، علاقے پر تسلط جمانا اور اسرائیل کی لامحدود حمایت ہے۔"
ہمیں فالو کریں:
Follow us: Facebook, X, instagram, tiktok whatsapp channe
پاکستان کے ممتاز سیاست داں اور سابق وزیرِ خزانہ اسد عمر نے لکھا ہے کہ امریکہ کے سبھی نام نہاد لبرل رہنماؤں نے بھی یہی کام کیا ہے لیکن خود کو جمہوریت اور انسانی حقوق کے دعووں کے پیچھے چھپادیا ہے۔
