پوری دنیا میں فلسطین کے حامی سڑکوں پر ، برطانیہ میں اسرائيل کے لئے ڈرون بنانے والی کمپنی پر کیا قبضہ ، کیا یہ بڑے انجام کا آغاز ہے ؟
May ۲۰, ۲۰۲۱ ۰۸:۲۸ Asia/Tehran
فلسطینیوں کی حمایت میں ہونے والے مظاہرے کے دوران مظاہرین نے ڈرون بنانے والی برطانوی کمپنی کی عمارت پر فلسطینی پرچم لہرادیئے ۔
برطانیہ میں اسرائیلی مظالم کے خلاف ہونے والے احتجاج کے دوران فلسطین کے حامی مظاہرین لیسٹر میں واقع اسرائیلی ڈرون فیکٹری پر چڑھ گئے۔
خبررساں اداروں کے مطابق مظاہرین نے جنگی ڈرون بنانے والی فیکٹری کی چھت پر احتجاج کیا۔ اس دوران ’فلسطین ایکشن ‘نامی گروہ کے حامیوں نے فیکٹری کے ایک حصہ پر قبضہ کرلیا۔
مظاہرین کا کہنا تھا کہ کہ غزہ میں اسی فیکٹری کے تیار کردہ ڈرون استعمال ہو رہے ہیں۔ مظاہرین نے فیکٹری کے دروازے بھی بند کردیے، جس سے فیکٹری میں کام متاثر ہوا۔
پولیس کا کہنا ہے کہ حالات سے نمٹنے کے لیے بھاری نفری طلب کر لی گئی ہے جب کہ امدادی ٹیمیں بھی پہنچ گئی ہیں۔
