او میکرون امریکہ پہنچ گیا، امریکیوں میں ہلچل
او میکرون امریکہ پہنچ گیا جس کے بعد امریکیوں میں تشویش کی لہر دوڑ گئی ہے۔
سعودی عرب ، متحدہ عرب امارات، فرانس اور اسرائیل کے بعد اب امریکہ میں بھی کورونا کی اومیکرون ویرینٹ کا پہلا کیس سامنے آگیا ہے۔
رپورٹ کے مطابق متاثرہ شخص جنوبی افریقہ سے 22 نومبر کو امریکہ گیا تھا۔
وائٹ ہاؤس کے مطابق اومیکرون سے متاثرہ شخص ویکسین کا کورس مکمل کر چکا تھا، مریض کا علاج جاری ہے۔
دوسری جانب عالمی ادارہ صحت (ڈبلیو ایچ او) کے سربراہ ٹیڈروس ایڈہانوم نے کہا ہے کہ تمام ممالک پُرسکون رہ کر اومیکرون کے خلاف حقیقی اقدامات کریں۔
انہوں نے کہا کہ نئے ویرینٹ اومیکرون سے متعلق ابھی بہت سے سوالات جواب طلب ہیں، تمام ممالک منطقی، متناسب اور خطرے میں کمی لانے والے اقدامات کریں۔
واضح رہے کہ اس سے قبل کورونا نے امریکہ میں تباہی مچادی تھی، کورونا سے امریکہ میں لاکھوں افراد ہلاک اور متاثر ہوئے ۔
