SAHAR

امریکی بحریہ کا جنگی طیارہ گرکرتباہ ہوگیا جس کے نتیجے میں پائلٹ ہلاک ہوگیا۔

امریکی بحریہ کی جانب سے جاری بیان میں کہا گیا ہے کہ بحریہ کا جنگی طیارہ کیلی فورنیا کی کاؤنٹی سین برنارڈینو کاؤنٹی میں گر کر تباہ ہوا۔ طیارہ صحرائی علاقے میں گرا۔ حادثے میں طیارہ کا پائلٹ ہلاک ہو گیا۔ بتایا جاتا ہے کہ طیارہ معمول کی پرواز کے دوران گر کر تباہ ہوا۔

یہ طیارہ FA-18E Super Hornet ماڈل کا تھا۔ حادثے کی تحقیقات شروع کر دی گئی ہیں۔ ہلاک ہونے والے پائلٹ کی شناخت جاری نہیں کی گئی ہے۔