SAHAR

روس کا کہنا ہے کہ کنژال سوپر سانک میزائل کو تباہ کرنے کا دعوی من گھڑت ہے۔

سحر نیوز/ دنیا: روس کی وزارت دفاع نے یوکرین کے اس دعوے کو کہ روس کے کنژال سوپر سانک میزائل کو تباہ کردیا گیا ہے، سرے سے مسترد کردیا ہے۔ یہ دعوی پہلی بار یوکرین کی فضائیہ کے کمانڈر میکولائی اولیشچوک نے کیا تھا ۔ انہوں نے چند روز قبل ٹوئیٹ کیا تھا کہ روس کے کنژال میزائل کو پیٹریاٹ دفاعی سسٹم کے ذریعے مار گرایا گیا ہے۔

روس کی وزارت دفاع کے ایک اعلی عہدے دار نے یوکرین کی فضائیہ کے سربراہ کے اس دعوے کو غلط بیانی قرار دیتے ہوئے کہا تھا کہ امریکہ کا پیٹریاٹ سسٹم کنژال جیسے سوپر سانک میزائل کو مارنے کی ہرگز صلاحیت نہیں رکھتا ۔ انہوں نے کہا کہ کنژال میزائل کی رفتار پیٹریاٹ جیسے ان ایرڈیفنس سسٹموں کے میزائلوں سے کہیں زیادہ ہے جو کیف کے حوالے کئے گئے ہیں۔