امریکہ میں طیارہ تباہ، 6 افراد ہلاک
Jul ۰۹, ۲۰۲۳ ۰۸:۵۶ Asia/Tehran
امریکہ کے شہر لاس اینجلس کے نواح میں ایک چھوٹا طیارہ گر کر تباہ ہو گیا، جس کے نتیجے میں اس میں سوار تمام 6 افراد ہلاک ہو گئے۔
سحر نیوز/دنیا: ایسوسی ایٹیڈ پریس کی رپورٹ کے مطابق لاس ویگاس سے اڑنے والا پرائیوٹ طیارہ فرینچ ویلی ایئر پورٹ کے قریب کھلے میدان میں گر کر تباہ ہوا ہے۔
حکام کے مطابق طیارہ رن وے سے 500 میٹر دوری کے فاصلے پر گرا۔
ابتدائی طور پر مرنے والے افراد کی شناخت ممکن نہیں ہو سکی ہے۔
رپورٹس کے مطابق طیارے گرنے کے فوراً بعد اس میں آگ لگ گئی تھی۔
واقعے کی تحقیقات شروع کر دی گئی ہیں۔
