SAHAR

امریکہ اور یورپی ممالک یوکرین کی جنگ کے شعلوں کو بھڑکانے کی کوشش کر رہے ہیں جبکہ روس بحران کے حل کیلئے کوشاں ہے۔

سحر نیوز/ دنیا: روس نے ایک بار پھر کہا ہے کہ وہ یوکرین کے بحران کو  سیاسی طریقے سے حل کرنے کی حمایت کرتا ہے۔

روس کے صدر نے جمعہ کے روز کہا کہ ماسکو یوکرین کے بحران اور جنگ کو ختم کرنے کیلئے پر امن راہ حل تلاش کرنے کیلئے تیار ہے۔

روس اور یوکرین کی جنگ کو ایک سال سے زائد کا عرصہ گزر چکا ہے اور اس دوران امریکہ اور یورپ نے یوکرین کو اربوں ڈالر کے نہ صرف ہتھیار دیئے ہیں بلکہ اس کی مالی مدد بھی کی ہے۔ اس کے علاوہ انہوں نے روس پر پابندیاں عائد کرکے اس جنگ کو مزید ہوا دینے کی کوشش کی ہے۔