روس پر یوکرین کے ڈرون حملوں کا سلسلہ جاری، ایک ڈرون تباہ
Sep ۲۶, ۲۰۲۳ ۱۰:۴۳ Asia/Tehran
روس پر یوکرین کے ڈرون حملوں کا سلسلہ جاری ہے اور روس کی وزارت دفاع نے کہا ہے کہ کورسک کے علاقے میں یوکرین کے ایک ڈرون کو تباہ کر دیا گیا ہے۔
سحرنیوز/ دنیا: روس کی وزارت دفاع نے ایک بیان جاری کرتے ہوئے کہا ہے کہ اس ملک کے اینٹی ایر کرافٹ سسٹم نے آج صبح کورسک کے علاقے میں یوکرین کے ایک ڈرون کو تباہ کر دیا ہے۔
روس کی وزارت دفاع نے پیر کے روز بھی کریمیا کی فضا میں یوکرین کے 4 ڈرون کو تباہ کرنے کا اعلان کیا تھا ۔ جبکہ روس کے صوبے بریانسک کے کمانڈر نے کہا ہے کہ یوکرین کے دو خودکش ڈرون کو تباہ کر دیا گیا ہے۔ ان کا کہنا ہے کہ کورسک کے علاقے میں کئی گھروں کو نقصان پہنچا ہے۔
واضح رہے کہ روس کے اندر یوکرین کے ڈرون حملوں میں شدت آئی ہے۔
روسی وزارت دفاع نے گزشتہ ہفتے بھی کریمیا جزیرے کی حدود میں کئی یوکرینی ڈرون طیاروں کو مار گرائے جانے کی خبر دی تھی۔
