اسرائیلی اہلکار ڈینگیں مارتے ہیں: اسرائیلی کمانڈر
اسرائیلی فوج کے سابق کمانڈر کا کہنا ہے کہ فوجی کی حالت بہت ہی نازک ہے۔
سحر نیوز/ دنیا: صیہونی فوج کے سابق چیف آف اسٹاف شاول موواز نے حال ہی میں اپنے بیان میں فوج کی نازک صورت حال کا ذکر کرتے ہوئے کہا تھا کہ بعض اسرائیلی اہلکار ڈینگیں مارتے رہتے ہیں اور دشمنوں کو دھمکیاں دیتے رہتے ہیں لیکن ہم نے ابھی تک یہ نہیں سیکھا ہے کہ داخلی اتحاد کے بغیر جو ہم نے 75 سال پہلے بنائی تھی، وہ ختم ہو جائے گا۔
صیہونی ٹی وی چینل 12 کے ساتھ گفتگو میں انہوں نے کہا کہ آج اسرائیل کے سیاسی رہنما اسرائیلیوں کو تقسیم کر رہے ہیں اور موجودہ کابینہ فوج کو بہت نقصان پہنچا رہی ہے۔
ان کا کہنا تھا کہ ہم پائلٹوں کے بغیر کوئی جنگ نہیں جیت سکتے اور فضائیہ کے بغیر فوج عملی طور پر بیکار ہے۔
صیہونی فوج کے سابق چیف آف اسٹاف شاول موواز نے کہا کہ ریزرو فورسز کے بغیر، ہمارے پاس اتنی طاقت نہیں ہوگی کہ جنگ کو دشمن کے علاقے میں لے جا سکیں۔
