SAHAR

امریکی صدر اپنے ملک کی جنگ پسندانہ پالیسیوں کو جاری رکھتے ہوئے یوکرین کو مزید امداد دینے کے لئے کانگریس کی اجازت حاصل کرنے کے درپے ہیں۔

سحر نیوز/ دنیا: ارنا کی رپورٹ کے مطابق امریکی صدر جو بائيڈن یوکرین کو ساٹھ ملین ڈالر مالیت کی امداد کا نیا پیکج دینے کے لئے کانگریس کی اجازت حاصل کرنا چاہتے ہیں ۔ یہ رقم امریکہ کے اس سو ارب ڈالر کے پیکج کا حصہ ہے جس کا بقیہ حصہ صیہونی حکومت اور تائیوان کے لئے فوجی امداد کی صورت میں دیا جائے گا اور کچھ حصہ امریکہ کی سرحدوں کی حفاظت کے لئے مختص کیا جائے گا۔

امریکی کانگریس کے ایک رکن نے اپنا نام ظاہر نہ کرنے کی شرط پر کہا ہے کہ ممکن ہے یہ بل ایوان نمائندگان میں منظور نہ ہوسکے کیونکہ ریپبلیکن پارٹی سے تعلق رکھنے والے بعض اراکین اس طرح کے پیکج کے مخالف ہیں ۔