SAHAR

امریکہ نے اتوار کی صبح سلامتی کونسل میں غزہ میں جاری تنازعے پر ایک قرارداد کا مسودہ پیش کیا ہے جس میں حماس کی مذمت کی گئی ہے لیکن غزہ میں کسی جنگ بندی کی بات نہیں کہی گئی ہے

سحر نیوز/ دنیا: امریکہ نے اس قرارداد میں غزہ پر صیہونی حکومت کے وحشیانہ حملوں کو قانونی اور جائز بتایا ہے اور حماس کے توسط سے قیدی بنائے گئے اسرائیلیوں کی رہائی کا مطالبہ کیا ہے- اس قرارداد میں سلامتی کونسل میں صیہونی حکومت کی سب سے بڑی حامی حکومت امریکہ نے غزہ کے حملوں میں صرف عام شہریوں کی جانوں کو کوئی نقصان نہ پہنچائے جانے کی بات کہی ہے-

امریکہ نے ایسے میں اس انسانیت سوز قرارداد کا مسودہ پیش کیا ہے کہ جب گذشتہ دنوں اسی امریکہ نے، روس اور برازیل کی جانب سے غزہ پر بچوں کی قاتل حکومت کے جارحانہ حملے روکے جانے کا پابند بنائے جانے پر مبنی قرارداد کو ویٹو کردیا تھا۔