SAHAR

صیہونی حکومت کے وزیر جنگ نے بدھ کی رات ایک بیان میں اعتراف کیا ہے کہ غزہ کے عوام کے قتل عام اور نسل کشی کے لئے جنگ کے آغاز سے دس ہزار بم اور میزائل برسائے جاچکے ہیں۔

سحرنیوز/دنیا: فلسطین کی شہاب نیوز ایجنسی کے مطابق صیہونی حکومت کے وزیر جنگ یوآؤ گالانت نے دعوی کیا ہے کہ صیہونی فوج منصوبہ بندی کے ساتھ آگے بڑھ رہی ہے اور بقول ان کے حماس پر کاری وار لگے ہیں۔
صیہونی حکومت کے وزیر جنگ نے کہا کہ ان کی فوج نے غزہ میں ہزاروں اہداف اور افراد کو نشانہ بنایا ہے۔
صیہونی وزیر جنگ نے کہا کہ اس وقت جنگ اپنے عروج پر ہے۔
انہوں نے کہا کہ صیہونی فوج جس طرح جنوب میں جنگ کررہی ہے اسی طرح شمال میں بھی بقول ان کے دفاع کرے گی اور جنگ کی قیمت چکانی پڑتی ہے۔
صیہونی حکومت کے وزیر جنگ نے کہا کہ وہ جنگ میں وسعت نہیں چاہتے لیکن شمالی سرحدوں پر بھی اس کے لئے تیار ہیں۔
انہوں نے کہا کہ اس جنگ کی قیمت بہت بھاری ہے اور وہ صیہونی فوجیوں کے کے لواحقین کے غم و اندوہ میں شریک ہیں۔
انہوں نے کہا کہ وہ جانتے ہیں کہ اسرائیلی فوجیوں کے گھروالے پریشان ہیں اور وہ اسرائیلی جنگی قیدیوں کے گھر والوں سے بھی کہتے ہیں کہ انہیں بھولے نہیں ہیں۔